I arbeid med barn og unge er kommunikasjon viktig. Vi skal kommunisere med respekt og vise anerkjenning for alle vi møter, både barn og vaksne. Gjennom kommunikasjon skal vi skape gode relasjonar slik at alle opplever tryggleik og tillit i møte med oss.

Konfliktar er ein del av livet. Dei oppstår fordi vi menneske er ulike. Vi har ulike behov, interesser og meiningar. Derfor treng vi kunnskap om kva ein konflikt er, kva som kan førebyggje konfliktar, og ferdigheiter til å handtere konfliktane, slik at vi kan rettleie, støtte og hjelpe barn.