Fagartikkel
Varmevekslarar
Varmevekslarar er ein type prosessutstyr som blir brukt for å overføre varme frå eitt stoff til eit anna. Dei kan brukast på både gassar og væsker, og det er det mest vanlege utstyret som blir brukt i prosessindustrien til å kjøle ned eller varme opp stoff.
Radiator til bilmotor. Bilete: Bill Wrigley / Offentleg eige
Det er mange måtar å lage slike varmevekslarar på, eitt eksempel er radiatoren i ein bil. Der går det varme vatnet inne i røyr, mens kald luft strøymer på utsida av røyra.
Røyr-i-skal-varmevekslar
Ein type varmevekslar som er vanleg i industrien, er ein såkalla røyr-i-skal-varmevekslar. Denne består av ein sylinderforma behaldar (skalet), og inne i denne er det montert mange små røyr. Då kan det som skal varmast opp eller kjølast ned, for eksempel strøyme gjennom skalet, mens det vi bruker til å varme opp eller kjøle ned med, strøymer gjennom røyra.
Ryør-i-skal-varmevekslar (one pass tube-side). Bilete: Junie Loftesnes / CC BY-SA 4.0