Øving
Finn filmreferansane i The Simpsons
TV-serien The Simpsons er kjent for å på ein humoristisk måte gjenskape scener frå kjende filmar. I denne øvinga skal du søkje på nett etter klipp som illustrerer dette.
The Simpsons movie. Bilete: Mary Evans Picture, NTB scanpix / CC BY-NC-SA 4.0
Finn filmreferansar i The Simpsons
Gå til Google, eller direkte til YouTube, Vimeo eller ein annan videonettstad, og søk etter filmreferansar i The Simpsons.
Tips til søkjeord: "The Simpsons and film", "The Simpsons and cinema" eller "The Simpsons movie references".
- Kva filmar finn du at The Simpsons refererer til?
- Korleis er filmscenene endra i animasjonsserien?
- Kva trur du filmskaparane oppnår ved å bruke referansar til filmar på denne måten?
Panserkrysseren Potemkin
Scene frå filmen Panserkrysseren Potemkin av Sergej Eisenstein. Bilete: Novosti / CC BY-NC-SA 4.0
Mange filmar opp gjennom filmhistoria refererer til trappescena frå Panserkrysseren Potemkin –ofte omtala som The Odessa stairs.
Det er blant anna referert til trappescena i Simpsons-episoden Treehouse of Horror XI.
- Veit du om andre filmar som refererer til Panserkrysseren Potemkin?
- Sjå gjerne trappescena frå Panserkrysseren Potemkin på YouTube for inspirasjon. (Merk at videoen kan innehalde uønskt reklame.)