Snø
Den norske kortfilmen Snø (2013) handlar om ein komponist som prøver å fange lyden av snøfnugg. Det er skodespelar Helge Jordal som tolkar rolla som komponisten.
Om filmen
Komponisten prøver å fange lyden av snøkrystallar som knuser og av lette snøfnugg som landar på bakken. Det viser seg å vere ei større oppgåve enn han først trudde.
Filmen er utan dialog og blir fortald i langsamt tempo. Musikken er stemningsskapande og heng nært saman med handlinga i filmen. Filmen passar godt som utgangspunkt når du jobbar med lyd og musikk som verkemiddel i film.
Om regissøren
Hans Otto Nicolayssen (1945) er ein norsk regissør og produsent. Han debuterte som spelefilmregissør med dramafilmen Kjærleikens ferjereiser (1979). Nicolayssen er òg kjend for komedien Plastposen (1986) med Jon Skolmen i hovudrolla.
Relatert innhald
CC BY-SASkrive av Anne Cathrine Andersson. Rettshavar: Norgesfilm AS
Sist fagleg oppdatert 28.05.2020