Hopp til innhald
Oppgåve

Nettverkssamarbeid på praksisplassen

I denne oppgåva skal du utforske korleis nettverk og nettverkssamarbeid kan bidra til profesjonell og fagleg utvikling på praksisplassen.
Illustrasjon av eit nettverk og relasjonane mellom medlemmene. Illustrasjon.
Har du kjennskap til nettverk og nettverkssamarbeid på praksisplassen? Bilete: renjith.bhavana / CC BY-NC-SA 4.0

Oppgåver

Innhent informasjon

  • For å løyse oppgåvene må du ta kontakt med nokon på arbeidsplassen. Fortel leiaren din om oppgåvene, og spør kven du bør snakke med.

  • Dersom det av ulike årsaker er vanskeleg å finne aktuell informasjon på praksisplassen, kan du bruke ein eventuell deltidsjobb som utgangspunkt for å svare på oppgåvene.

  1. Utforsk nettverk og nettverkssamarbeid på praksisplassen.

    1. Kva er ei bransjeforeining? Kva for nokre er aktuelle for praksisplassen, og er bedrifta med i nokon av dei?

    2. Samarbeider bedrifta med andre i same bransje, utover ein eventuell medlemskap i ei foreining? På kva måte, i så fall?

    3. Samarbeider bedrifta med aktørar i andre bransjar? På kva måte, i så fall?

    4. Nyttar dei tilsette LinkedIn for nettverksbygging?

    5. Blir det arrangert ulike kurs, samlingar og konferansar som dei tilsette kan delta på?

    6. Er bedrifta medlem i nokon store organisasjonar, som til dømes NHO Service og Handel eller Innovasjon Norge? Kvifor har dei i tilfelle valt å vere medlem?

  2. Synest du praksisplassen har formålstenlege nettverk og nettverkssamarbeid? Grunngi.

  3. Kva blir meint med profesjonell og fagleg utvikling i ei bedrift? Korleis kan nettverk og nettverkssamarbeid bidra til profesjonell og fagleg utvikling på praksisplassen din? Grunngi.