Korleis teikne grafen av ein lineær funksjon

Vi teiknar grafen på grunnlag av verditabellen

Vi veit at grafen blir ei rett linje. Då er det eigentleg nok med to punkt i verditabellen, men det er lurt å ta med eit tredje punkt for kontrollen si skuld.
Vi klarar oss godt med hovudrekning her og fyller ut tabellen!

CC BY-NC-SA

Bilete: Olav Kristensen, Stein Aanensen

Vi teiknar grafen på grunnlag av stigingstal og konstantledd

Sidan konstantleddet $b=4$, skjer grafen andreaksen for $y=4$. Punktet $(0, 4)$ ligg derfor på grafen.

Stigingstalet er $-2$. Vi tar utgangspunkt i punktet $(0, 4)$, går ei eining til høgre, og stigingstalet fortel at vi må flytte oss parallelt med $y$-aksen $2$ einingar ned for igjen å møte grafen. Vi kjem til punktet $(1, 2)$. Vi har da to punkt på grafen og kan trekkje linja gjennom desse punkta.

Vi teiknar grafen med eit digitalt verktøy

Definisjonsmengda er her alle reelle tal. I GeoGebra skriv du inn funksjonsuttrykket på skrivelinja eller i algebrafeltet. Frå algebrafeltet kan du «dra» funksjonsuttrykket over til grafikkfeltet.

Opne bilete i eit nytt vindauge

CC BY-NC-SA

Bilete: Olav Kristensen