Perfektume
Perfektume lea gosse gie maam akt dorjeme, mij akt sjïdteme jallh heannadamme. Daennie sæjrosne datne verbi perfektume hammoej bïjre lïerh, presense perfektume jïh preteritume perfektume. Lissine maahtah laavenjassh darjodh.
![Infinihte verbh. Guvvie.](https://api.ndla.no/image-api/raw/worditout-word-cloud-infinihte_verbh.png?width=1024)
Perfektume partisihpe
Perfektume partisihpe lea infinihte verbe-hammoe, perfektumen minngie-gietjie lea -me/ -mme:
Vuesiehtimmie:
- båateme
Perfektume partisihpe-hammoem verbeste provhkebe gåessie gie akt lea maam akt dorjeme, gåessie mij sjïdteme jallh heannadamme.
- Dïhte båateme.
Presense perfektume jïh preteritume perfektume
Presense perfektume lea daelie jïh preteritume perfektume lij dillie:
- Presense perfektume: (lea) båateme
- Preteritume perfektume: lij båateme
CC BY-SASkrive av Marit M. Fjellheim.
Sist fagleg oppdatert 15.01.2019