Deutsch unplugged
Lag små lappar med ord på ting som trengst til ein tysk frukost. Kvar elev trekker ein lapp og tar med seg det som står på lappen til neste tysktime. Det er dagens lekse.
Et frukost saman. Det er kanskje lurt å lage fleire småbord. Elevane skal berre snakke tysk under frukosten. Dei skal
- seie kva dei liker å ete
- fortelje korleis dei har det
- snakke om kva fag dei har i dag
- be nokon om å sende noko over bordet
- kommentere om noko smaker eller ikkje
Det er sikkert ein fordel å notere ord og uttrykk på tavla før de set i gang med å ete frukost.
- Gibst du mir bitte das Brot? – Ja, klar, hier ...
- Reichst du mir bitte die Butter? – Ja, Moment, hier, bitteschön, ...
- Wie geht's dir heute? – Danke gut, und dir? – Nicht so gut …
- Welche Fächer hast du heute? – Heute habe ich ...
- Was möchtest du trinken? – Ich hätte gern Orangensaft.
- Was isst du gern? – Ich esse gern ...
Variasjon
La 6–8 elevar delta i frukosten. Kvar av deltakarane har ein støttespelar (ein medelev) bak seg, som sit med PC og ordlister og kan vere sufflør. Når gruppa har ete, byter deltakarane roller med sufflørane.
La elevane intervjue kvarandre om frukostpreferansane sine: kva dei liker og kva dei ikkje liker, kva dei pleier å kjøpe i skulekantina eller kva slags niste dei liker å ha med seg på skulen.
Samtalane kan arrangerast som intervju eller i Speeddating-format. Avgrens samtaletida til ca. 1 min. før elevane byter samtalepartnar. Du kan gi elevane språkleg støtte ved å skrive ord og uttrykk på tavla. Etter nokre rundar kan tavla viskast av, og elevane må prøve å gjennomføre samtalen utan hjelpemiddel.
På tavla
- Was isst du gern zum Frühstück? – Ich esse gern ...
- Was trinkst du gern zum Frühstück? – Ich trinke gern ...
- Magst du ...? – Ja, das mag ich. / Nein, das mag ich nicht.
- Was magst du nicht? – ... mag ich nicht so gern / ... mag ich überhaupt nicht.
- Was kaufst du am liebsten in der Kantine? – Am liebsten kaufe ich ...
- Was isst du in der Schule? – In der Schule esse ich oft ...
Gi elevane oppskrift på Brezeln og bak saman med dei, eller gi dei som lekse å bake tyske rundstykke.
Bakevarene må elevane ta med til frukosttimen, så alle kan få smake.
Det finst mange enkle (tyske) instruksjonsvideoar på YouTube.