Hopp til innhald

Oppgåver og aktivitetar

Grammatikmix 2

Symbol for grammatikkoppgave. Foto.
Bilete: NTB scanpix / CC BY-NC-SA

Oppgåve 1: Artiklar

  1. Ta utgangspunkt i døma nedanfor og forklar kva som er ubestemt artikkel, føresett bestemt artikkel og etterhengd bestemt artikkel i norsk.
    • ein by, ei elv, eit tårn
    • byen, elva, tårnet
    • den gamle byen, den store elva, det høge tårnet
  2. Forklar ved hjelp av setningsdøma nedanfor: Når bruker vi ubestemt artikkel, og når bruker vi bestemt artikkel?
    • Sofie oppdagar eit fly . Flyet nærmar seg raskt.
    • Sola skin i dag.
    • Hans kjøper ein bagett.
  3. Kva for ein artikkel finst berre i eintal, i både norsk og tysk?
  4. Tysk har berre éin bestemt artikkel. Er han etterhengd eller føresett?
  5. Skriv ned den tyske ubestemte og bestemte artikkelen som høyrer til substantiva
    • Kirche (hokjønnsord)
    • Land (inkjekjønnsord)
    • Freund (hankjønnsord)
    • Kirchen, Länder, Freunde (fleirtal)

Oppgåve 2: Substantiv

  1. List opp tre tyske hankjønnsord, hokjønnsord og inkjekjønnsord (ni ord totalt) frå glosene du har lært hittil. Bruk andre substantiv enn dei som er nemnde i oppgåve 1.
  2. Skriv også ned den ubestemte og bestemte artikkelen som høyrer med til kvart av substantiva.
  3. Finn fleirtalsformene til dei ni substantiva. Du kan til dømes bruke Duden online. Ta også med bestemt artikkel i fleirtal.

Duden

  • Duden er den mest kjente tyske ordboka.
  • Duden er eittspråkleg, og det betyr at all informasjon står på tysk.
  • Når du har slått opp eit ord, må du skrolle litt for å finne oversikta over korleis ein bøyer det.
  • Det er også mogleg å høyre korleis ordet blir uttalt.

Oppgåve 3: Eigeform av namn

  1. Omsett setninga nedanfor til tysk. Kom med to forslag til omsetting.
    • Hobbyen til Mia er musikk.
  2. Forklar korleis vi kan lage eigeform av namn i tysk.
  3. Forklar bruken av apostrof i denne setninga:
    • Max' favorittband heißt Foo Fighters.

Oppgåve 4: Pronomen og verb

  1. I setninga "Ich spiele Fußball" står det personlege pronomenet i første person eintal (ich). Verbet får då endinga -e. Korleis blir setninga når det personlege pronomenet står i
    • andre person entall
    • andre person flertall
  2. Omsett alle tre setningane frå punkt 1 til norsk.
  3. Verba sprechen, sehen og lesen har vokalskifte i presens, men berre i to former.
    • Kva former får vokalskifte? Oppgi person og tal.
    • Skriv ned formene med vokalskifte. Ta med det personlege pronomenet som høyrer med.
  4. List opp fleirtalsformene av verbet sein: wir ... osv.
  5. Verbet haben har nesten heilt regelrett bøying. Berre to former avvik litt frå det vanlege mønsteret.
    • Kva former er det? Oppgi person og tal, og skriv ned formene.
    • Kva bokstav har falle bort i desse to formene?
  6. To presensformer av verbet har same ending som infinitiven (grunnformen). Kva former er dette? Oppgi person og tal, og skriv ned eit døme.
CC BY-SASkrive av Marion Federl.
Sist fagleg oppdatert 06.05.2018

Læringsressursar

Grammatik