Gaebpien Gåsta (Gustav Kappfjell) tjihtesem «Manne leam saemie» tjaaleme. Tjihtese gærjeste «Gaaltije» mij bööti jaepien 1987.
Manne leam saemie
Manne leam saemie
nåvh galkem årrodh
Maadtoen vuerpie
györeme vaajmose
im maehtieh böörhkedh
maadtoen veadtah
Sïjhtem nåvh årrodh
manne saemie leam
Manne leam saemie
nåvh edtjem veasodh
maadtoen åerieh
vaajmosne jievkehte
Saemie leam manne
nåvh galkem veasodh
gaajhkh jïjtjen biejvieh
Saemie leam
Våarpohte åvtelen
noeri biejvieh
vuajnah dåastoeh
giermedh raedtiem
daelie dov biejvieh leah
mojhtelh saemien
Biejviem nåvh dåastoeh
vaedtsieh raeffesne
CC BY-NC-SASkrive av Gustav Kappfjell. Rettshavar: Dat o.s
Sist fagleg oppdatert 13.04.2021