Innandørs
Når motorsag blir brukt innandørs, er det eit problem med eksosen frå bensinmotoren på saga. Derfor blir det brukt elektrisk motorsag med leidning til nettet eller oppladbart batteri innandørs.
Saga hol i vegg og golv
Motorsag er eit eigna reiskap for å sage hol i ein vegg eller golv. Det kan vere når du skal setje inn eit ekstra vindauge i huset. Då må du bruke spissen på saga for å sage inn i veggen. Risikoen for at sagbladet blir slått mot deg, er då stor (tilbakeslag). For å unngå tilbakeslag er det viktig å halde sagbladet mest mogleg på langs av veggen.
Harde materiale
Når du sagar gjennom ein vegg eller eit golv, veit du ikkje alltid kva som er inne i veggen. Det er då alltid ein sjanse for at du sagar i spikar, skruar, betong eller mur. Det er ikkje motorsaga laga for. Saga kan då øydeleggjast. Ver ekstra forsiktig, då dette kan medføre tilbakeslag, og at du kan bli treft av ei sagkjede som går av.
Sikkerheit
Tryggingsreglane for bruk av motorsag er dei same uansett kvar ho blir brukt. Det betyr at du alltid må bruke verneutstyr som vernesko, vernebukse, hjelm med visir og høyrselsvern.