Lag Snapchat-reklame, følg lover og reglar for marknadsføring

I dette gruppeoppdraget skal de produsere reklame på Snapchat, de skal lage reklameannonsar som blir viste mellom såkalla stories i Snapchat. De må følgje lover og etiske retningslinjer for marknadsføring, og det er viktig at reklameannonsane blir rett merkte. Set dykkar først inn i lover og regelverk.

• Sjå videoen over om merking av reklame i sosiale medium.
• Les teksten om lover og reglar i marknadsføring:

1. Gå saman i grupper på tre. De skal lage Snapchat-annonsar for eit valfritt produkt.
2. Hent inspirasjon og studer ulike reklameannonsar på Snapchat. De kan til dømes gå inn på VGs Snapchat-kanal og sjå kva reklamar som er publiserte i dagens utgåve.
3. De skal lage ein serie på tre ulike annonsar for det same produktet.
4. Bruk Snapchat-formatet til produksjonen.
5. Reklameannonsane skal ta i bruk ulike visuelle element (bilete, video, tekst, farge, form). I tillegg kan de bruke ulike rettsklarerte lydkjelder.
6. Kven er avsendar? Dette må vere tydeleg i annonsen.
7. Bodskapen må kome fram på ein klar og tydeleg måte, og det skal treffe målgruppa.
8. I produksjonen må de følgje norske lover og normer for marknadsføring. Det er viktig av Snapchat-annonsane blir rett merkte.
9. Presenter Snap-reklamane for resten av klassen. De kan lage ei klassegruppe på Snapchat og publisere annonsane der.