Oppgåve
Snapchat: Kva betyr ytringsfridom for deg?
Alle menneske i Noreg har ytringsfridom. Retten er grunnlovsfesta, og ytringsfridom er ein føresetnad for demokratiet vårt. Men kva betyr ytringsfridom for ungdom i dag? I denne oppgåva skal du presentere ulike synspunkt på Snapchat.
Bilete: West Coast Surfer / CC BY-NC-SA 4.0
Ytringsfridom handlar om retten til å seie meininga si og til å gi eller få opplysningar utan å måtte frykte for straff eller represaliar. Dette er ein grunnleggande rett.
Kva betyr ytringsfridom for unge menneske i dag? Tar ungdom denne grunnleggande retten for gitt?
I denne oppgåva skal du intervjue ulike unge personar om dette spørsmålet: "Kva betyr ytringsfridom for deg?"
Snapchat er ein mobilapplikasjon for deling av foto, video og tekst. Bilete: Lucy Nicholson / CC BY-NC-SA 4.0
- Svara skal publiserast på Snapchat.
- Lag snappar der du bruker verkemiddel frå Snapchat-formatet, som tekst, farge, kontrastar, filter og emojis.
- Bruk gjerne VGs snap-utgåve og studer korleis snap-sakane blir presenterte og kva for nokre visuelle element som er nytta. (til dømes bilete, video, tekst, farge, form, filter)
- Still spørsmålet "Kva betyr ytringsfridom for deg?" til minst fire ungdommar.
- Lag korte snappar der dei ulike svara blir presenterte. Lag ein snap for kvart svar.
- Ta bilete av personane du intervjuar. Få med namn og alder på intervjuobjekta.
- Intervjusvara skal presenterast i tekstform, og teksten skal leggast oppå bildet du har tatt av intervjuobjektet. Jobb grundig med tekstane, dei skal vere korte og konsise.
- Bruk ulike visuelle element, som til dømes farge, kontrastar, filter, emojis.
- Lagre snappane på telefonen din. Til slutt presenterer du snappane for resten av klassen.