For første gong har Medietilsynet tal på kor mange 13–18-åringar som får nakenbilder, og kven dei får slike bilete frå. Undersøkinga Barn og medier 2020 viser at mange ungdommar blir utsette for digitale krenkingar.
1) Kva seier undersøkinga om digital blotting?
Grafikken nedanfor viser nokre av resultata frå undersøkinga. Les han grundig.
2) Spørsmål til grafikken
Jobb gjerne åleine til å byrje med, og diskuter sidan i grupper eller i klassen.
- Kva tal og fakta overraskar deg mest?
- Kor mange prosent av 13–18-åringar har fått tilsendt nakenbilde av andre? Kva tenkjer du om dette talet?
- 42 prosent av dei som fekk spørsmål om å sende eller dele eit nakenbilde, blei spurde av ein ukjend på nettet. Kva tenkjer du om denne utviklinga?
- Er digital blotting ei utfordring i samfunnet vårt? Kvifor (ikkje)?
- Korleis kan digital blotting stoppast?
Digital blotting er ulovleg
- Det er ulovleg å sende nakenbilde til nokon som ikkje har samtykt.
- Det er ulovleg å ta, ha og dele nakenbilde av nokon under 18 år.
- Seksualiserte bilde skal uansett ikkje sendast til barn under 16 år.
- Blir du utsett for digital blotting, kan du ta eit skjermbilde og melde saka til politiet.
Kjelder
Medietilsynet. (2020, 19. mai). Ny undersøkelse fra Medietilsynet: Ungdom utsettes for digital blotting. Henta 28.05.20 frå https://medietilsynet.no/om/aktuelt/ny-undersokelse-fra-medietilsynet-ungdom-utsettes-for-digital-blotting
Velsand, M. (2020, 25. mai). Snakk med barnet ditt om digital blotting. Aftenposten. Henta 28.05.20 frå https://www.aftenposten.no/meninger/debatt/i/aw6lo7/snakk-med-barnet-ditt-om-digital-blotting-mari-velsand