Kroppen er laga for å vere i rørsle. Ved å vere i regelmessig aktivitet held vi oss i form og reduserer risikoen for å få sjukdommar og skadar. Det finst mange ulike aktivitetar du kan drive med. I dette emnet har vi samla idrett, dans og andre aktivitetar.

Historia til idretten går fleire tusen år tilbake i tid. Kinesarane dreiv med idrett for 4000 år sidan, og dei gamle egyptarane dyrka idrettar som symjing, fisking, spydkast, høgdehopp og bryting. Den "moderne" idretten, derimot, oppstod først i England på 1700-talet.

Skulen er ein arena for alle. Det inneber at alle er like velkomne, at alle kan delta ut frå sine føresetnader, at dei same reglane gjeld for alle, og at alle har krav på å bli møtt med respekt. Og: Alle har ansvar for å bidra til det blir slik. I idretten kallar vi dette fair play.