Dyrefaget omfattar næringar som arbeider med opplevingar, tenester og produkt knytte til dyr og dyrehald. Næringane dekkjer behova hos alt frå private dyrehaldarar til viktige samfunnsfunksjonar med dyr.

Dyrenæringa er mangfaldig og spesialisert, med alt frå mineryddarar med hund, klinikkassistentar, dyrebutikkarbeidarar og hundeinstruktørar til forsøksdyrteknikarar. I emnet lærer du om betydinga og verdiskapinga til næringa. Du vil òg lære om økonomi, kvalitet, lovgiving, miljø og berekraft.