Hopp til innhald
Oppgave

Bli kjend med rammeplanen for barnehagen

Rammeplan for barnehagens innhald og oppgåver er ei forskrift til barnehagelova. Ho gir detaljerte skildringar av innhaldet i barnehagen og kva personalet i barnehagen må gjere for å oppfylle lovkrava.

Forskrift til barnehagelova

Barnehagelova og forskrift om rammeplan for barnehagens innhald og oppgåver er viktig lovverk som du som barne- og ungdomsarbeidar må arbeide i tråd med i barnehagen. Rammeplanen inneheld meir detaljerte skildringar for arbeidet i barnehagen, slik at drifta følger føresegnene i barnehagelova.

Oppgåver

I desse oppgåvane vil du bli kjend med noko av innhaldet i rammeplanen for barnehagen. Bruk rammeplanen når du svarer på spørsmåla.

  1. Kva er verdigrunnlaget til barnehagen?
  2. Kva ansvar har styraren i barnehagen?
  3. Kva ansvar har pedagogisk leiar i barnehagen?
  4. Kva må personalet gjere for at barnehagen skal ta vare på behovet til barn for omsorg?
  5. Kva må personalet gjere for at barnehagen skal ta vare på behovet til barn for leik?
  6. Kva må personalet gjere for at barnehagen skal fremme danning?
  7. Kva må personalet gjere for at barnehagen skal fremme læring?
  8. Kva må personalet gjere for at barnehagen skal fremme venskap og fellesskap?
  9. Kva må personalet gjere for at barnehagen skal fremme kommunikasjon og språk?
  10. Kva skal planlegging bidra til?
  11. Kva må planlegginga vere basert på?
  12. Kva skal årsplanen gi informasjon om?
  13. Kva er vurdering, og kva er hovudmålet med vurderingsarbeid?
  14. Kva er føremålet med dokumentasjon i barnehagen?
  15. Kva skal personalet gjere ved val av arbeidsmåtar?
  16. Kva skal personalet gjere i arbeid med digital praksis?
  17. Kva er dei ulike fagområda i barnehagen?
  18. Kva skal dei ulike fagområda bidra til for barna?
  19. Vel deg to fagområde. Kva kan personalet gjere for å legge til rette for arbeid med desse fagområda? Diskuter deretter med ein medelev som har valt andre fagområde.
  20. Diskuter med ein medelev eller i klassen kva rammeplanen vil ha å seie for arbeidet dykkar som barne- og ungdomsarbeidarar.

Relatert innhald

Skrive av Siv Stai.
Sist fagleg oppdatert 10/02/2020