Berre lov til å bruke KI

Snudd på hovudet

Beskjeden "Det berre er lov å bruke KI" i eit skuleprosjekt går litt mot straumen. Det er vanlegare å åtvare elevar mot å bruke KI. På Tangen videregående skole vel dei å snu det heile opp ned.

KI-prosjektet ved Tangen vgs.

KI-prosjektet ved Tangen videregående skole er eit samarbeidsprosjekt med næringslivet. Alle elevane og nokre lærarar frå IM-linja skal lage musikkvideo, kortfilm eller reklamefilm. Elevar og lærarar konkurrerer mot kvarandre om å finne gode teknologiske løysingar på ei problemstilling. Det er mykje motivasjon og mykje frustrasjon når det berre er éin måte å jukse på: å skrive sjølv.

Sjå filmen om KI-prosjektet

I filmen under (lengde 3:40) møte vi elevar frå Tangen videregående skole og lokale næringslivsaktørar.

Inspirert? Prøv sjølv!

Snu di eiga undervisning på hovudet og få elevar til utforske KI med regelen "Ikkje lov til å lage noko sjølv, alt skal gjerast av KI". Kor langt klarer dei å komme i arbeidet med ei oppgåve, ei problemstilling eller eit kompetansemål i faga dine gjennom å følge regelen?

• Kva tema kan vere eigna i faga dine?

• Kva kompetansemål i faget får du lyst til å prøve deg på med ei slik tilnærming?

• Kva moglegheiter har du i nærmiljøet? Finst det bedrifter som ønsker å teste KI til å løyse spesifikke oppgåver?

• Kva fordelar og ulemper kan KI ha med tanke på tidsbruk?