Grammatikk: Imperativ
Imperativ
Imperativ er ei verbform. Han kan uttrykke ei befaling, ein instruks, ei oppfordring eller ei bønn:
Bli med!
Skjer potetene i terningar.
Ver snill og hjelp meg.
I norsk har vi berre éi imperativform, uavhengig av kven vi snakkar til.
I tysk skil vi mellom 2. person eintal (du) og 2. person fleirtal (ihr). I tillegg har vi høfleg form, som er lik anten vi vender oss til éin eller fleire (Sie).
infinitiv | du | ihr | Sie | norsk |
|---|---|---|---|---|
| gehen | Geh(e)! | Geht! | Gehen Sie! | Gå! |
| kommen | Komm(e)! | Kommt! | Kommen Sie! | Kom! |
fahren | Fahr(e)! | Fahrt! | Fahren Sie! | Køyr! Dra! |
| öffnen | Öffne! | Öffnet! | Öffnen Sie! | Opn(e)! |
helfen | Hilf! | Helft! | Helfen Sie! | Hjelp! |
mitkommen | Komm(e) mit! | Kommt mit! | Kommen Sie mit! | Bli med! |
Kommentarar til tabellen
Ved dei fleste verba er -e valfri i 2. person eintal (du): Komm! Komme!
Forma utan -e er veldig vanleg i munnleg tysk. Forma med -e har ein litt meir formell klang.
Nokre verb må ha -e i imperativ fordi det gjer uttalen lettare, til dømes öffnen.
Verbet helfen har ei spesiell imperativform. Lær ho utanåt: Hilf!
Laust samansette verb skriv vi som to ord i imperativ: Komm mit!
Øving 1
Jobb gjerne saman to og to.
Les setningane i boksen og sett dei om skriftleg til norsk.
Kven er det som blir oppfordra: du (du), ihr (de) eller Sie (høfleg form)? Noter pronomenet du, ihr eller Sie saman med omsettinga.
Samanlikn til slutt med fasiten.
Geh über die Brücke.
Helft eurem Vater!
Koche zuerst die Kartoffeln.
Öffnen Sie bitte die Tür.
Kommt zu meiner Geburtstagsparty!
Fahren Sie lieber mit dem Intercity um neun Uhr.
Kommen Sie bitte mit.
Streng eller mild?
Vi kan vere strenge eller milde når vi ber andre gjere noko for oss. Døme:
Kannst du bitte den Boden wischen? Kan du vere snill og vaske golvet?
Wisch bitte den Boden. Vask golvet, er du snill.
Begge setningane er relativt milde i uttrykksmåten, men imperativforma er eit lite hakk meir bestemt enn "kannst du bitte".
Sløyfer vi ordet "bitte", høyrest vi straks meir bestemt ut. Og imperativsetninga er no rett og slett ein klar ordre:
Kannst du den Boden wischen? Kan du vaske golvet?
Wisch den Boden! Vask golvet!
Øving 2
No skal du øve deg i å vere litt bestemt!
Øving 3
Lag imperativsetningar som vender seg til fleire (ihr/de). Denne gongen skal du droppe ordet bitte slik at setninga høyrest skikkeleg streng ut.
Øving 4
Sie-forma bruker vi overfor vaksne vi ikkje kjenner. Vi kan bruke ho overfor éin eller fleire personar. Tar vi med ordet bitte, får vi ei høfleg, men likevel bestemt oppfordring.
Øving 5
Kva imperativsetning svarer til spørsmålet med können?
Bitte!
Bitte er trylleordet som får andre til å hjelpe deg med glede! Og som du har sett av døma på denne sida, kan ordet stå på ulike stader i setninga:
I starten: Bitte kommen Sie mit!
Heilt sist: Hilf mir bitte!
Inni setninga: Öffnen Sie bitte die Tür!
Komma set vi berre når vi legg trykk på ordet (og vil formane nokon):
Bitte, komm doch endlich!
Mach deine Hausaufgaben, bitte!
Litt ekstra for språknerdane
Inni setninga står bitte vanlegvis rett etter verbet (og rett etter Sie ved høfleg form):
Mach bitte deine Hausaufgaben!
Kommen Sie bitte mit!
Men viss setninga inneheld eit indirekte objekt, må bitte stå etter det indirekte objektet:
Geben Sie mir bitte ein Glas Wasser.