Grammatikk: Akkusativpreposisjonar
Kva er preposisjonar?
Preposisjonar er småord som i, gjennom, med, på, om, utan osb. Preposisjonsuttrykk fortel mellom anna om tid og stad: i morgon, gjennom skogen, og om måten vi gjer ting på: med ryggsekk, utan hjelp.
I tysk får ordet som høyrer saman med preposisjonen, kasusbøying. Her lærer du preposisjonane som styrer akkusativ.
Preposisjonane som styrer akkusativ
Det er fem tyske preposisjonar som alltid styrer akkusativ: durch, für, gegen, ohne og um. Ordet som kjem etter desse preposisjonane, står altså i akkusativ.
Film: Jenkadansen
Bruk jenkadansen til å pugge akkusativpreposisjonane! Sjå filmen (0:40). Elevane i filmen dansar jenka og syng: "Durch, für, gegen, ohne, um! Bruk akkusativ og ver no ikkje dum!" Dette klarer sikkert klassen din òg!
Tysk | Norsk | Døme |
|---|---|---|
durch | gjennom | Wir gehen durch das Kaufhaus. |
für | til, for | Ich brauche ein neues Kleid für die Party. |
gegen | mot, imot | Sie spielt eine Partie Schach gegen ihren Lehrer. |
ohne | uten | Ich fahre ohne meine Eltern in Urlaub. |
um | rundt, om, omkring | Unser Haus ist gleich um die Ecke. |
Øving 1
Durch, für, gegen, ohne eller um? Fyll inn rett/passande preposisjon og les heile setninga. Sett deretter om setninga til norsk.
Sie spaziert ... den Park.
Er trinkt immer Kaffee ... Zucker.
Heute spielen die Schüler Fußball ... die Lehrer.
Das Geschenk ist ... meine Mutter.
Die Kinder laufen ... das Haus.
Hast du was ... mich?
Ich will nicht ... dich ins Kino gehen!
Hilfe! Das Auto fährt ... die Fahrtrichtung!
Øving 2
Oversett til tysk.