Einstieg: Das deutsche Alphabet

1. Alfabetet

1. Lytt til alfabetet, og merk deg korleis bokstavane blir uttalte.

2. Lytt ein gong til, og gjenta bokstavane høgt i kor. Ver nøye med uttalen.

3. Kva bokstavar uttaler vi annleis enn på norsk? Øv spesielt på desse.

4. Jobb i par. Den eine peikar på ein bokstav, den andre seier han på tysk.

5. Jobb i par. Den eine stavar namnet sitt, den andre skriv det ned. Byt roller.

2. Bokstavar

1. Lytt til dialogane. Kva tre bokstavar blir nemnde her?

2. Jobb i par, og byt på å spørje og svare. Bruk mønsterdialogane og spør etter desse bokstavane: Q, Z, F, ß, L, U, K, X, E, V.

3. Akronym

1. Start gjerne felles i klassen. Læraren les akronymet på kortet, og klassen gjentek høgt i kor. Læraren les orda bak akronymet, og klassen gjentek.

2. Hald fram i samla klasse eller jobb vidare i par. Har de sett akronymet før? Kva betyr det?Bruk info-knappen om de treng hint.

3. Snu kortet og les informasjonen. Har de tid, kan de òg lese om lagnaden til "folkevognas far" i boksen nedanfor.

4. Samanfatt i klassen: Læraren seier eit akronym, og klassen fortel kva dei veit om det. Eller samanfatt i par: Ein av dykk seier eit akronym, og den andre fortel. Byt roller.

Folkevognas far

Den kanskje mest kjende bilen frå Volkswagen er den såkalla Bobla, på tysk kalla "Käfer" (bille).

Tidleg på 1930-talet utvikla den tyske ingeniøren Josef Ganz ei rekke småbilar, blant dei ein modell han kalla "Maikäfer" (oldenborre). Firmaet som produserte bilen, marknadsførte han som "Volkswagen" – ein bil for folket.

Våren 1933 blei bilen til Ganz presentert på den internasjonale bil- og motorsykkelutstillinga i Berlin. Den nye rikskanslaren Adolf Hitler fatta interesse for bilen fordi han var rimeleg å produsere.

Josef Ganz var av jødisk opphav. Kort tid etter utstillinga blei han arrestert av det hemmelege statspolitiet, og kontoret hans blei gjennomsøkt. Ifølge Ganz forsvann mange dokument frå kontoret hans då.

Ganz flykta i juni 1934, først til Liechtenstein og seinare til Sveits. Omtrent samtidig gav Adolf Hitler austerrikaren Ferdinand Porsche i oppdrag å bygge "folkevogna". Masseproduksjonen av bilen begynte i 1938 i Wolfsburg.

Porsche blei genierklært for bilen, som likna svært mykje på "oldenborren" til Ganz. Josef Ganz emigrerte til Australia nokre år etter krigen.

4. Skulesaker

På første skuledagen får førsteklassingane i Tyskland kvar si Schultüte: eit stort kremmarhus med skulesaker, leiker og godteri.Denne tradisjonen er to hundre år gammal!

No lærer du namnet på nokre skulesaker og ting du sjølv har i skuleveska di.

• Jobb i par. Den eine les det tyske ordet og snur kortet. Den andre gjentek ordet.

• Gå tilbake til første kortet (med venstre piltast). Hugsar de kva skulesakene heiter på tysk? Bruk tipsa om de er usikre på kjønnet. (der/die/das)

5. Stav namna på skulesaker

Lytt først, og les dei to minidialogane høgt i par. Pass på god uttale! Byt på kven som spør og svarer.

6. Stav og skriv namna på skulesaker

1. Stav orda på tysk! Bruk mønsterdialogen i øving 4 og dei åtte bileta sist i denne oppgåva.

   • A peiker på eit bilete og stiller B dei to spørsmåla.

   • B seier kva tingen på biletet heiter, og stavar ordet. Byt roller.

   • Alternativt kan de bruke lista over skulesaker som står rett før bileta, og ta for dykk ord etter ord.

2. Skriv orda på tysk! Bruk penn og papir.

   • A vel ein ting og stavar ordet høgt. B skriv ordet og set det om til norsk. Byt roller.

   • Når de er ferdige med oppgåva, sjekkar de om orda er rett skrivne og omsette. Eitt poeng for rett stavemåte, og eitt poeng for rett omsetjing. Kven får flest poeng?

7. Snakk om skulesaker

Snakk med ein eller fleire medelevar. Spør kvarandre kva skulesaker de har og treng. Kven har/treng flest ting?