Oppgåve

Legge ein person i sideleie

Å legge ein person i sideleie er viktig for å bidra til å halde luftvegane frie. Viss du veit kvifor og korleis du gjer dette, og har øvd på det, vil du enklare greie å gjere det når du er svært stressa.

Denne sida er arkivert. Innhaldet kan vere utdatert.

Denne artikkelen er i eit fag som følgjer ein utgått læreplan. Versjonen du ser på, kan innehalde utdatert informasjon eller ha andre feil.

Ein mann er lagt i sideleie på asfalten ved sida av ein bil. Ei kvinne støttar han og snakkar i telefonen. Foto. — Person i sideleie

Individuelle oppgåver

Gjer greie for når du skal legge ein sjuk eller skadd person i sideleie.
Gjer greie for dei viktigaste prinsippa som skal nyttast når du skal legge ein person i sideleie.
Lag eit tankekart der du beskriv tilfelle der du meiner det er riktig å legge ein person i sideleie.

Gruppeoppgåver

Reflekter over tankekarta til medlemmene i gruppa. Er de samde i vurderingane?
Jobb to og to. Ein elev legg seg på rygg som markør.
- Den andre personen skal no legge markøren i sideleie.
- Byt roller etter gjennomføring.
Markøren ligg på magen.
- Korleis skal du på best mogleg måte legge personen i sideleie?
- Prøv ulike metodar for å sjå kva som er den beste metoden for å få markøren frå mageleie til sideleie.
- Byt roller etter gjennomføring.
Markøren ligg på sida.
- Kva justeringar må gjerast for å få til eit godt sideleie?
- Gjennomfør dette praktisk.
- Byt roller etter gjennomføringa.
De har no gjennomført ulike scenarium der de har lagt markøren i sideleie.
1. Drøft saman kva som er det viktigaste å tenke på når du legg ein person i sideleie.
2. Kva ønsker de å oppnå ved å legge ein person i sideleie?

Relatert innhald

Sideleie

Medvitslause personar som pustar sjølv, skal du legge i sideleie. For å vere sikker på at personen pustar, bør pusten overvakast først.