Verbh adjektijvijste
Verbh mah adjektijvijste seerkesuvvieh
Daagkerh verbh soptstieh guktie mij akt sjædta, jeatjahtåvva jallh åvtene guktie adjektijve buerkeste.
Vuartesjh tabellem jïh darjoeh laavenjasside.
Seerkeme-gietjieh | Seerkeme-verbh | Maadth-baakoeh | Buerkiestimmieh |
|---|---|---|---|
(o) –dh | båajtodh | buajtehks, buajtehke | nimhtie sjïdtedh guktie adjektijve buerkeste, buajtehke sjïdtedh |
–nidh/ –midh | buaranidh | buerie | jeatjahtovvedh guktie buerebe sjædta |
(e5) –didh | kråånedidh | kruana | kruana/ kråånehke sjïdtedh |
(a) –sjidh | kruanasjidh | kruana | kruana/ kråånehke vååjnedh jallh jïjhtedh |
(a) –sjidh | råvnasjidh | rovnegs, rovnege | tuhtjedh mij akt rovnege |
(a) –sjidh | tseagkasjidh | tseagkoeh, tseagkan | tseagkoeh, tseagkan årrodh/tjåadtjodh |
–gidh | gåabragidh | gåabroeh, gåabran | gåabroeh/gåabran sjïdtedh |
–ovvedh | bieljiehtovvedh | bieljehts | bieljehts sjïdtedh |
–rostedh, | håjnarostedh | håjnoes, håjnan | håjnan sjïdtedh |
–iedidh | baektjiedidh | baaktjes, bååktjehke | bååktjehke sjïdtedh, domtedh |
–didh/ –mdidh | guhkiedidh | guhkies, guhkie | maam akt darjodh guktie mij akt guhkebe sjædta |
–stalledh | veaksastalledh | vieksies, veaksehke | vuesiehtidh man veaksehke lea |
1. laavenjasse
2. laavenjasse
3. laavenjasse
Buerkesth daejtie seerkeme-baakojde.
vyskedidh
baahkenidh
stuarasjidh
aebliehtovvedh
madtjelostedh
gietskiedidh
jalkedidh
stueriedidh
tjeahpastalledh
Tjaelieh raajesem fïerhten baakose 1–9.
4. laavenjasse
Mah verbh gaavnh mah daejstie adjektijvijste seerkesovveme. Ohtsedh baakoe-gærjesne.
åenehks
tjeehpes
guhkies
orre
Buerkesth seerkeme-verbide mejtie gaavnh.