Substantijvh verbijste

Daelie edtjh lïeredh guktie substantijvh verbijste seerkedh.

Substantijvh mah verbijste seerkesuvvieh

Vuartesjh tabellem jïh darjoeh laavenjasside.

substantijvh verbijste
Seerkeme-gietjieh	Seerkeme-substantijvh	Maadth-baakoeh	Buerkiestimmieh
–je, –æjja	göölije	gööledh	almetje mij göölie
–me, –immie	darjome	darjodh	dam maam gie akt dorje
–ge	tjaalege	tjaeledh	dam maam gie akt tjaaleme
–stahke/–sth	gåårestahke	gåarodh	dejnie mejnie gååre
–htahke/ –hth	bualahtahke	bueledh	dïhte mij moereste aajmene gosse bualeme
–dahke/–dh	jåhtadahke	juhtedh	juhteles daelhkie
–ldahke/–ldh	tjuatsaldahke	tjuetsedh	vearelde gosse tjuetsieminie
–se/–s, –(e)s/–asse	nïekedasse	nïekedidh	dam maam gie akt nïekedamme
–nasse/–nes	faalenasse	faaledh	dam maam gie akt faala
–oe/–ove	gaaloe, gaalove	gaeledh	sijjie gusnie hijven johken rastah gaeledh
–nje	tjoevtenje	tjuevtedh	aate mejnie maahta maam akt tjuevtedh mij leeseldahkesne
–ere	snæhkere	snihkedh	almetje mij pråvhka snihkedh
–hke	daamehke	deemedh	bovtse maam gie deememe
–htasse	voejngehtasse	voejngehtidh	substantijve mij båata verbeste voejngehtidh

Buerkesth daejtie seerkeme-baakojde.

Ohtsedh dan jïjnjh seerkeme-substantijvh daejstie verbijste guktie buektehth. Buerkesth baakojde mejtie gaavnh.

Magga, O. H. & Magga, L. Mattsson (2012). Sørsamisk grammatikk. Davvi Girji. S. 107–116.