Lohkh teekstem.
Daelvie
Daan biejjien tjuatsa.
Jïjnje lopme gujht daan daelvien sjædta.
Hijven hov, dellie åadtjoejibie tjoejkedh.
Dov leah treavkah?
Nov leah maaje treavkah, mohte dah jis fagkan åenehks munnjien daelie.
Tjoeverem gujhth daalvan orre treavkah åestedh.
Dov nuekies beetnegh?
Beetnegadtjh gujht, mohte ij leah nuekies orre treavkide.
Tjoeverem mån aehtjie gon tjidtjeste lissiem gihtjedh.
Vaestedh:
Magkere baakoe beetnegadtjh (baakoe-klaasse)?
Guktie baakoe seerkesovveme (maadth-baakoe, baakoe-klaasse)?
Datne vielie baakoeh daajrah seamma baakoste? Ohtsedh baakoe-gærjesne.
Lohkh teekstem.
Orre treavkah
Åvla gon aehtjieh staareste båetiejægan. Åvla lea orre treavkah åådtjeme.
Tjidtjie gon onneåabpah olkese båetiejægan, sïjhtijægan vuejnedh.
"Vuartasjidien! Orre klaahkah aaj!" Åvla jeahta. "Daejtie leam jïjtje åasteme, jïjtjen beetnegi åvteste. Treavkah lin dan dovres, dejtie aehtjie tjoeveri åestedh."
Åvla dallah sæjhta joksedidh jïh tjoejkijidh.
"Ih dån amma daan jemhkelden maehtieh gåabph tjoejkijidh," tjidtjie jeahta.
"Barre ikth gåetien bïjre!" Åvla jeahta.
Åvla tjuajka. Aehtjie gonnoeh tjidtjieh jïh onneåabpa tjåadtjoeh vuartasjieh. Dellie treavkide nuala, tjaebpieslaakan lutnjie, lopmh sööpie jïh dle kåavese guadta. Voestes jïjjem tjoeverieh treavkah åadtjodh kåavesne tjåadtjodh.
Buerkesth seerkeme-baakojde (maadth-baakoeh, baakoe-klaassh):
joksedidh
tjoejkijidh
ikth
tjaebpieslaakan
Lohkh teekstem.
Gïerestalledh
Mubpien aereden Åvla varki fahkoe, tjuedtjele gåårvede jïh våålese tjöökese roehteste. Tjidtjebe lea joe beapmoeh buartan bïejeme. Aehtjie lea joe byöpmedamme jïh barkose vualkeme. Onneåabpa lea annje åerieminie.
– Magkeres lidtjie daelhkie? – Åvla onterde.
– Daan jïjjen lea tjuetsiestamme, mohte dov laatege gujht annje vååjnoe – tjidtjebe jeahta – daan biejjien gujht joekoen tjaebpies vearolde sjædta, ånnetji dle biejjie aaj jæjhta jïh manne sovmem hijven daelhkie.
Åvla byöpmede, bæjngoevaarjoeh tsaaka, kåaveste orretreavkah vaalta, olkese guadta jïh joksede. Ånnetji mænngan dle tjidtjebe vuajna, vualka tjoejken stoerredeavan gåajkoe gusnie hijven gïerestalledh.
Buerkesth seerkeme-baakojde (maadth-baakoeh, baakoe-klaassh):
aerede
tjuedtjielidh
gåårvedidh
roehtestidh
tjidtjebe
byöpmedidh
barkoe
tjuetsiestidh
vååjnedh
ånnetji
joksedidh
gïerestalledh
Gaaltije
Jaahkenelkien Aa. (1993). Goltelidh jih soptsestidh. Daasta berteme, Hattfjelldal