Goerehth joejkemem

1. laavenjasse

Rïhpesth jïh goltelh muvhth båeries vuelieh mejtie Karl Tirén tjoeje-baantese tjöönghkeme: Svenskt visarkiv.

Veeljh aktem vueliem.

1. Gie juajka?

2. Gubpede båata?

3. Maam/gïem juajka?

4. Man åvteste datne daam vueliem veeljih?

2. laavenjasse

Gaavnh åenehks-filmh gaskeviermesne mah joejkemen bïjre.
Vuesiehtimmien gaavhtan:

• Krister Stoor, Jojk

• Frode Fjellheim, Med joik som utgangspunkt

Maam maahtah joejkemen bïjre jiehtedh mænngan daejtie filmide vuartasjamme?

3. laavenjasse

Krister Stoor åehpies joejkije gie joejkemem goerehtamme. Darjoeh åehpiedehtemem dan bïjre.

Gyhtjelassh mah maehtieh viehkine årrodh:

• Gie Krister Stoor?

• Man åvteste åehpies?

• Mejnie barka? Gaavnh vuesiehtimmieh gaskeviermesne gusnie meatan.

• Gaavnh musihkem maam dorjeme. Soptsesth musihken bïjre.

• Musihke maam akt jeahta seabradahken bïjre?

4. laavenjasse

Katarina Barruk jïh Marja Helena Fjellheim Mortensson saemien musihkiem darjoeh. Ohtsedh jïh goltelh maam dah guaktah dorjeme. Vuesiehtimmien gaavhtan:

• NRK-konserte jaepien 2017, Katarina Barruk

• NRK-konserte jaepien 2017, Marja Helena Fjellheim Mortensson

Vaestedh gyhtjelasside.

1. Mah joekehtsh datne dej guaktaj gaskem gaavnh? v.g. gïele, vuekie

2. Dah juejkieh jallh laavloeh? Buerkesth.

3. Veeljh aktem musihke-stuhtjem gåabpatjahkijste. Gaavnh musihke-teeksti dïjrh.

4. Man bïjre teeksth?

5. Guktie maehtebe jiehtedh dah daaletjen vuekien mietie juejkieh?

5. laavenjasse

1. Mah baakoeh åarjel-saemien baakoe-gærjesne gaavnh joejkemen bïjre?

2. Ohtsedh seerkeme-baakoeh dejtie veerbide: joejkedh, voeledh, aejvierdidh, ennehtidh, guvhkiehtidh.

3. Guktemeslaakan maehtebe joejkedh? Buerkesth baakoejgujmie mejtie gaavnih.

6. laavenjasse

Walt Disney Productions Saepmesne orreme jïh saemijste skreejreme. Filmh dorjeme mej nommh Frozen jïh Frozen 2. Frode Fjellheim meatan orreme filme-musihkem dorjeme.

Gaavnh Disneys Frozen All Vuelie YouTube:sne jïh goltelh musihkem.

1. Maam tuhtjh musihken bïjre?

2. Daelie sïelte Walt Disney saemien musihkem nuhtjeme sijjen filmine.

   • Maam tuhtjh dan bïjre?

   • Mij hijven jïh nåake dejnie?

   • Mah illedahkh destie maehtieh sjïdtedh?

7. laavenjasse

Minngemes jaepieh joejkeme- jïh laavlome-gaahtjeme Sámi Grand Prix Guovdageaidnosne öörnesovveme. Gaavnh TV-programmem gaskeviermesne jïh vuartesjh dam.

1. Gïeh meatan gaahtjemisnie?

2. Mah gïelh jïh dajvh meatan?

3. Maam datne lyjhkh vuj ih lyjhkh? Buerkesth aaj mannasinie.

4. Daerpies musihke-gaahtjemem utnedh Saepmesne? Man åvteste? Man åvteste ij?

8. laavenjasse

Gïeh daan biejjien juejkieh, saemien-gïelesne laavloeh jïh saemien musihkem darjoeh? Veeljh naakenh daejstie jïh darjoeh åehpiedehtemem. Soptsesth joejkiji/laavloji/musihke-darjoji bïjre jïh guktie daej musihke.

Gyhtjelassh mah maehtieh viehkine årrodh:

• Åehpiedehtieh joejkijh/laavlojh/musihke-darjojh.

• Dah jïjnje jallh vaenie teekstem nuhtjieh?

• Guktie vuelie/melodije/musihke teekstese sjeahta?

• Man bïjre juejkieh/laavloeh? Gaavnh teemah/dïjrh.

• Giejtie dah juejkieh/laavloeh?