Barkh teekstine Åvlavulien råantjoeh

Gaavnh filmem «Då, när jag var mannen på Oulavuolie» YouTube:sne, jïh vuartesjh voestes jïh mubpiem boelhkem.

• Gie joejkije?

• Gubpede båata?

• Maam juajka?

Goltelh vueliem. Mah baakoeh joejkije gellien aejkien juajka? Tjaelieh daejtie.

Lohkh joejkeme-teekstem Åvlavuelien råantjoeh jïh vaestedh.

• Guktie gåmmebem juajka?

• Guktie maanide juajka?

• Guktie ealoem juajka?

• Guktie vaeriem juajka?

• Guktie jïjtjemem juajka?

• Guktie kraannide juajka?

Guktie joejkeme-teekste bigkeme?

• Guktie vuelien aalkove?

• Guktie vuelien åejvie-boelhke?

• Guktie vuelien galhkuve?

• Buerkesth guktie joejkeme-teekste gievline jåhta.

Buerkesth mah gïeleldh vierhkie-vierhtieh Nils Mattias nuhtjie.

Mij joejkijen dïjre? Buerkesth åenehkslaakan.

• Maam joejkije sæjhta soptsestidh?

Nils Mattias sov jieleden bïjre juajka. Jis datne dovletjen jïh daaletjen tïjjem viertesth, mij seammalaakan jïh mij joekehtslaakan?

Ussjedh gïelen bïjre. Nils Mattias gellie baakoeh jïh jiehtegh nuhtjie aarke-biejjeste jïh båatsoste. Maahta sån gïerve teekstem guarkedh. Man åvteste?