Turistattraksjonar i Noreg

På nettet finst det mange gode ressursar om turistattraksjonar i Noreg.

Visitnorway.no

Nettstaden Visit Norway er drifta av Innovasjon Noreg, og er den offisielle reiseguiden til Noreg. Visjonen til visitnorway.no er å gjere det enkelt å velje Noreg som reisemål. Nettstaden har mellom anna oversikter over populære reisemål i Noreg. Dei har òg lister over populære turistattraksjonar på dei ulike reisemåla, og topplister over attraksjonar.

Destinasjonsselskap

Nettsidene til dei ulike destinasjonsselskapa i Noreg har fine oversikter over turistattraksjonar i området sitt.

I reiselivsbransjen må du kunne vidareformidle god og relevant informasjon til gjester og kundar. Turistinformasjonar og hotell tilbyr guidebøker og anna informasjonsmateriell.

Det er viktig med god lokalkunnskap, som vil seie å kjenne til attraksjonar, matstader, transport, opplevingar og andre ting som kan vere av interesse for gjestene. Du må òg ha kunnskap om lokale tradisjonar og historiske stader.