Fagartikkel
Reingjering og vedlikehald av espressomaskin
Reingjering og vedlikehald kan nok vere keisamt, men eit riktig reinhald er første bod for å få ein god espresso – kopp etter kopp, dag etter dag.
Bilete: Bildhuset / CC BY-NC-SA 4.0
Børst reint vassfordelingsfilteret i gruppa (tillagingseininga).
- Ta laust filteret frå filterhaldaren.
- Set inn eit blindfilter i filterhaldaren. Fyll ein dose vaskemiddel for kaffimaskiner i blindfilteret, og gjer tre til fire vanlege tillagingar.
- Tøm blindfilteret, set filterhaldaren med blindfilteret på plass att, og hald fram med tillagingar til vatnet er klart.
- Gjer filteret og filterhaldaren heilt reine, og legg dei i vatn til neste dag.
Hugs å gjere stimarmen grundig rein med lunkent vatn slik at mjølkerestar løyser seg opp.
- Skru av den ytste dysa på stimarmen. Legg dysa i vatn som er tilsett vaskemiddel for kaffimaskiner til neste dag.
- Tøm kverna for malen kaffi. Børst behaldaren rein.
- Gjer maskina og kverna reine utvendig med ein rein klut.
Stimarmen må ha ein grundig vask kvar dag. Bilete: NTB scanpix, Science Photo Library / CC BY-NC-SA 4.0
Tøm behaldaren for heile bønner, og gjer han godt rein med vaskemiddel for kaffimaskiner. La behaldaren bli ordentleg tørr før du heller på ny kaffi. Tørketips: Set behaldaren på varmeplata på espressomaskina.
Skru ut vassfordelingsfilteret i gruppa, og børst dette før du monterer det att.
Vask filteret og filterhaldaren grundig med vaskemiddel for kaffimaskiner.
- Fjern alle kaffirestar, og kontroller knivane i maleverket til kverna. Dersom kverna er sliten, må knivane bytast ut.
- Maskina bør ha full service. Kontroller filtera, og byt dei om nødvendig.