Rettich

Kvit rettich kan bli opptil 50 cm lang og vege fleire kilo. Den spesielle smaken hos alle variantar rettich kjem av at dei inneheld sennepsolje. Rettich har best haldbarheit når han blir lagra så langt ned mot 0 gradar som mogleg, og når luftfukta er høg.

Rettich bør skrellast før bruk. Vi kan deretter ete han naturell raspa som råkost, kutta i stavar til dipp eller i skiver i salat. Rettich kan nyttast som grønsakspålegg på same måten som agurk eller kokast som grønsak til kjøtt og fiskerettar. Han er nydeleg å smørdampe. Rettich kan òg nyttast til dekorasjon.

Rettich er kalorifattig og inneheld noko vitamin C. Lite forbruk gjer at han ikkje har nokon ernæringsmessig verdi. Rettich held godt på kvitfargen etter skrelling.

Sjå Matvaretabellen frå Mattilsynet for nærare opplysningar om næringsinnhaldet.

Rettich skal vere heil og utan mørke eller mjuke flekker. Fruktkjøttet skal vere fast, kvitt, sprøtt og friskt.