Ramslauk

Ramslauken høyrer til asparagales-ordenen. Laukvekstar og einfrøblada vekstar er undergrupper av denne. Lauken veks vilt i skuggefulle bar- og lauvskogar. Ramslauken finst i låglandet og langs kysten frå Østfold til Trøndelag. Han kan forvekslast med liljekonvallar, som er giftige. Vi må vere merksame på lukta, då liljekonvallar luktar heilt annleis. Ramslauk kan du plukke i skogen i nærleiken av der du bur.

Ramslauk er ein plante som blir nytta i matlaging. Blada kan nyttast i salatar og gir ein fyldig og sterk smak. Dei blir òg nytta som krydder i suppe, i kjøttrettar, ostar, smør, rømmedressingar og til spinat. Ramslauk blir ofte nytta i gourmetrestaurantar.

Prøv gjerne å lage pesto av ramslauk du har plukka sjølv.

Oppskrift på ramslaukpesto frå Matprat.

Han er òg nytta i folkemedisinen. Ramslauk vart i Noreg nytta som middel mot makk hos menneske, og avkoket vart gitt som middel mot innvolsmakk hos geiter. Både i Europa og i Asia har ramslauk vore nytta ved revmatiske smerter, astma, fordøyingsvanskar og høgt blodtrykk. Under første verdskrigen vart store mengder ramslauk nytta som antiseptisk middel i Storbritannia.

Populariteten til ramslauken har ført til intensiv hausting, særleg i byområde, og han vart derfor raudlista i 2021 med status nær truet. Ved å hauste på ein berekraftig måte kan du vere med å sikre at denne smakfulle planten overlever.

• Ver sikker på at du har lov til å plukke der du er, det kan vere restriksjonar i verna område.

• Ikkje plukk alt som er i eit område, vi vil jo at det skal vekse meir til neste år. I tillegg treng òg dyrelivet sitt.

• Ikkje plukk røter.

Ramslauk inneheld mykje karbohydrat. Størstedelen er stivelse.

Næringsinnhald i 100 g etande matvare:

etande del: 79 %
kilojoule: 486
protein: 7,9 g
karbohydrat: 18,6 g
sukker: 3,8 g
kostfiber: 1,7 g

Sjå Matvaretabellen frå Mattilsynet for nærare opplysningar om næringsinnhaldet.

Norsk sesong:

april–juni