Omnsbaking

Så å seie alt kan bakast i omn, men det er viktig å kjenne eigenskapane til dei ulike råvarene slik at dei får den rette tillaginga.

Viss fisk får for mykje varmebehandling, blir det fort tørt. Dette ønskjer du sjølvsagt å unngå, derfor kan det vere smart å ha låg temperatur når du omnsbaker fisk. Det gir mindre intens varme, noko som vil gi ei jamnare steiking. Dette vil gjere at du har betre kontroll, og sannsynet er større for at du oppnår eit saftige resultat.

Kjøt er ikkje berre kjøt. Dei ulike stykkingsdelane treng ulik kjernetemperatur for å oppnå eit vellykka resultat. Derfor bør temperaturen i omnen planleggjast nøye. Ein indrefilet av okse kan du fint omnsbake på høg temperatur gjennom heile prosessen og oppnå eit saftig og mørt resultat. Men tek du til dømes eit stykke høgrygg av okse, som treng høgare kjernetemperatur, men likevel ikkje må bli tørr, bør du starte med lågare varme i byrjinga, for så å skru opp temperaturen mot slutten.

Grønsaker som blir bakte i omn, gir fantastiske smakar. Dei fleste grønsaker inneheld naturleg sødme, derfor vil det vere mest naturleg å omnsbake grønsaker på høg temperatur, slik at desse smakane kjem endå betre fram. Omnsbaker du gulrøter på høg varme, får du ikkje berre ein ekstra god smak på steikjeskorpa, men den naturlege smaken blir framheva – grønsaka blir endå meir konsentrert og saftig.