Kutteteknikk: gulrot og sellerirot
Film: Kniven
I denne filmen (lengde 2:15) får du ei innføring i knivar og anna utstyr du treng for å kutte og forme grønsaker.
Oppdeling
Grønsaker kan delast og formast på mange måtar. Her er eit utval:
Kutt | Form | Storleik (mm) |
|---|---|---|
| julienne | tynne strimlar | 2 x 2 x 40–50 |
| brunoise | små terningar (frå julienne) | 2 x 2 x 2 |
| bâtonnets | stavar | 6 x 6 x 50 |
| macédoine | små terningar (frå bâtonnets) | 6 x 6 x 6 |
| parmentier | store terningar | 12 x 12 x 12 |
| noisette | små kuler laga med noisettejern | 10-20 mm diameter |
| parisienne | større kuler laga med parisiennejern | 20–25 mm diameter |
| chiffonade | tynne strimlar av blad |
Slik kuttar du gulrot i julienne
Skrell gulrota og finn fram ein god, skarp kniv.
Skjer av endane på gulrota.
Skjer ned på langs slik at gulrota blir stødigare å kutte.
Gjer det same på den andre sida.
Kutt gulrota i mindre bitar avhengig av lengda på gulrota.
Kutt tynne skiver på langs av gulrotbiten.
Kutt fine små strimlar av skivene, så store som ei fyrstikk.
Film: Kutteteknikk for gulrot
I denne videoen (lengde 4:22) får du sjå korleis du kuttar gulrot i skiver, myntar, julienne og brunoise.
Film: Kutteteknikk for sellerirot
I denne videoen (lengde 4:20) får du sjå korleis du reinsar sellerirota, og korleis ho kan kuttast i bâtonnets og macédoine.