Fagartikkel
Målgruppetenking
Når ein er marknadsorientert, må ein tenkje målgruppe. Det finst nemleg ikkje noka bedrift i verda som kan tilby alle kundane akkurat det kvar og ein ønskjer. Derfor må kvar enkelt bedrift velje ut kva for kundar ho vil vere best for.
Bilete: Corbis, NTB scanpix / CC BY-NC-SA 4.0
Ei marknadsorientert bedrift definerer kva for ein marknad ho ønskjer å operere i, og kva for nokre målgrupper ho jobbar mot. Når det er gjort, kan bedrifta gå inn for å dekkje dei behova desse målgruppene har.
Biletet under viser korleis marknaden for undertøy kan delast inn i segment. Innan kvart segment kan vi finne fleire ulike målgrupper. Til dømes kan vi innan segmentet sportsundertøy finne målgruppa damer i alderen 18–25 år. (Diagrammet under er ei tenkt inndeling.)
Bilete: Siren Halvorsen / CC BY-NC-SA 4.0