Arbeidsoppdrag
Ei av fire årstider i blomsterarbeid
Planlegg og lag eit blomsterarbeid som representerer ei av dei fire årstidene våre. La ein av Ittens fargekontrastar skape spenning i blomsterarbeidet.
Kva for årstid gir denne buketten assosiasjonar til? Bilete: Lise Fridholm / CC BY-SA 4.0
- Vel ei årstid og beskriv ho med dine eigne ord.
- Kva fargar forbind du med denne årstida?
- Lag eit moodboard som visualiserer årstida du har valt. Bruk gjerne bilete av blomstrar og blomsterarbeid, i tillegg til andre stemningsbilete.
- Du skal bruke ein av Ittens fargekontrastar til å skape spenning i blomsterarbeidet ditt. Set deg inn i fargeverknaden til dei ulike kontrastane. Vel kva kontrast du vil bruke, og lag fargepalettar som passar til årstida du har valt.
- Lag idéskisser til eit blomsterarbeid som representerer årstida du har valt.
- Planlegg kva materiale du vil bruke med tanke på årstida og fargane du har valt. Du kan òg bruke papir, fjør, stoff og andre materiale for å få bygt ut fargane, viss du ikkje har tilgang på blomster i alle fargar.
- Vel teknikkar som eignar seg, og lag blomsterarbeidet.
Bilete: Lise Fridholm / CC BY-SA 4.0
- Presenter idéutviklinga di og arbeidsprosessen din.
- Vurder det ferdige blomsterarbeidet. Grunngi fargevalet og kva teknikk du valde å bruke.
Relatert innhald
Fagstoff
Fargelære og blomsterdekorasjonBlomsterdekoratørar jobbar ut frå dei fargane som plantematerialet har. Kulør, valør, fargedominans og kontrastar er viktige fagomgrep.
Fagstoff
Ittens sju fargekontrastarBruk av kontrastar påverkar korleis vi opplever farge og form. Ved å bruke fargekontrastar bevisst kan du forsterke det uttrykket du ønskjer.