Oppgåve

Budsjettarbeid for Kontorvikar AS

Janne og Stine har nyleg teke fagbrev i service- og administrasjonsfaget. Dei veit at lokale bedrifter treng hjelp i travle periodar. Derfor har dei oppretta sitt eige AS, som skal selje administrasjons- og rekneskapstenester. For å gi dei lån til oppstarten krev banken eit resultatbudsjett.

Ung kvinne arbeider med å kopiere dokument i ei kopimaskin. Foto.

Oppgåve

Bruk malen nedanfor når du løyser oppgåva.

Mal for budsjettkontroll for Kontorvikar AS(XLSX)

Situasjonsbeskriving

Sjølv om Janne og Stine ikkje har godkjend rekneskapsutdanning endå, kan dei likevel leigast inn til bedrifter for å gjere enkle oppgåver, føresett at rekneskapsarbeidet deira blir kontrollert av ein rekneskapsførar.

Jentene bereknar at dei treng pengar til lønn, husleige, kontorutstyr, forsikringar, marknadsføring og diverse småutgifter. I resultatbudsjettet deira er det lønnskostnaden som er den variable kostnaden.

Det er cirka 1 750 timar i eit årsverk. Av desse bereknar dei at dei må bruke cirka 450 timar kvar for å administrere bedrifta. Kvar av dei kan då leige seg sjølve ut som vikar cirka 1 300 timar i året.

Kontorvikar AS er lokalisert i Alta, og dei skal derfor ikkje betale arbeidsgivaravgift.

Del 1: Resultatbudsjett

Med utgangspunkt i situasjonsbeskrivinga og tala som er oppgitte nedanfor, skal du lage eit resultatbudsjett for bedrifta for det første året.

Salsinntekter: Timeprisen deira utan meirverdiavgift er 500 kr.
Dei budsjetterer med 500 000 kr i årslønn kvar.
Å leige eit lite kontor kostar 8 000 kr per månad.
Ei bedriftsforsikring med dei vanlegaste forsikringane kostar totalt 1 000 kr per månad.
Bedrifta skal marknadsførast, og til dette set dei av 1 500 kr per månad.
Andre driftskostnader bereknar dei til å bli 2 000 kr per månad.
Renter på lån: Dei vil låne 100 000 kr til kontorutstyr, og renter og gebyr blir 500 kr per månad.

Kva synest du om resultatbudsjettet? Er alle tala realistiske? Kva blir resultatgrada, og kva synest du om den?

Del 2: Budsjettkontroll

Bruk tala frå resultatbudsjettet i del 1 ovanfor, og dessutan tal for resultatrekneskapen nedanfor, til å utføre ein budsjettkontroll.

Set inn tal for budsjett og rekneskap, og rekn ut prosent av salet.
Rekn ut avvik i kroner og prosent.
Kommenter avvika.

Tal frå resultatrekneskapen

resultatrekneskapen
Kalkulasjon	Resultatrekneskap i kr
Salsinntekt	1 040 500
– varekostnad (lønn)	996 000
= bruttoforteneste	44 500
Husleige	96 000
Forsikringar	12 000
Telefon	34 000
Marknadsføring	14 000
Andre driftskostnader	19 000
Rentekostnader	6 000
= sum faste kostnader	181 000
Resultat	–68 250

Løysingsforslag

Løysingsforslag Kontorvikar AS(XLSX)