Jobb med filmen Koftepolitiet

1. Kva er ei kofte? Viss du ikkje veit det, slå opp i ei ordbok eller eit leksikon.

2. Kva assosiasjonar får du til tittelen i filmen – Koftepolitiet?

3. Kva trur du filmen kjem til å handle om?

Sjå Koftepolitiet på bibliotektenesta Filmbib. Logg inn med Bibliotekkortet.

1. Kva inntrykk får du av dei tre hovudpersonane? Forklar!

2. Kva meiner hovudpersonane i filmen med uttrykka "kofte-utru" og "etno-kåt"?

3. Kva oppfatningar har personane samane møter i Oslo og på utestaden av kva det vil seie å vere same?

4. Kva stereotypiar og fordommar kjem til syne i det personane seier og gjer? Kom med fleire døme. (Tips! Det handlar ikkje berre om samar.)

5. Kva trur du filmskaparen ønsker å få fram i denne filmen?

I grupper: Fordel oppgåvene og presenter resultatet for kvarandre:

1. Kva vil det seie å vere samisk? Gjer eit nettsøk og noter ned stikkorda de finn i dei øvste treffa.

2. Kva er samisk kultur? Gjer eit nettsøk og noter ned stikkorda de finn i dei øvste treffa.

3. Les artikkelen "Her gjør Ellen Berit det utenkelige" på NRK.

4. Kva fordommar finst om samar og samisk kultur? Les artikkelen "Stereotypiar om den samiske befolkninga i Noreg".

Løys oppgåvene åleine eller i grupper. Ta notat når du/de les og diskuterer.

1. Les avsnittet om "andregjering" i fagartikkelen "Kulturell identitet og andregjering". På kva måte tematiserer kortfilmen Koftepolitiet det å plassere nokon utanfor ein fellesskap?

2. Kva grupper av menneske blir ofte andregjorde, tenker du? Kva kan årsaka vere? Grunngi svaret ditt.

3. Er det mogleg å behalde vår eigen kulturelle identitet og samtidig vere ein naturleg del av ein større fellesskap? Kva må til?

4. Lag ein tekst (essay, foredrag, film) der du/de drøftar temaet "andregjering".

Eit godt svar

• problematiserer og drøftar

• bruker sentrale omgrep (til dømes andregjering, fordommar, stereotypiar, kulturell identitet, utanforskap)

• viser til konkrete døme, gjerne frå kortfilmen og/eller eigne erfaringar