Dialektjakta

I denne ressursen møter du fire personar med ulike dialektar. Desse personane har tydelege dialekttrekk slik at det skal vere mogleg å finne ut kvar dei kjem frå. Men hugs at det ikkje er sikkert at alle som er frå den same staden, snakkar heilt likt.

Det munnlege språket er spesielt utsett for endringar, og det gjer at enkelte dialekttrekk kan vere forskjellige frå generasjon til generasjon. Det er òg individuelle forskjellar. Vi blir påverka av språket rundt oss, og nokre er meir opptekne av å halde på dialekten sin enn andre.