Øvelse
Blodspor
Den ti år gamle muslimske guten Sendo Elvedin blei drepen under eit serbisk artilleriåtak i byen Sarajevo den 22. mars 1993. Bilete: Chris Helgren / CC BY-NC-SA 4.0
Les novella "Blodspor" og jobb med spørsmåla nedanfor:
- Finn bakgrunnsinformasjon om krigen i Bosnia på 1990-talet. Kva handla han om? Kven var det som starta krigen, og kven var det krigen gjekk sterkast ut over?
- Gjer kort greie for handlinga i novella. Tre-fire setningar er nok.
- Kva slags opning på teksten har forfattaren valt?
- Kva verknad har denne typen opning? Skaper ho ei roleg stemning, eller skaper ho spenning med ein gong?
- Kan du peike på nokre typiske novelletrekk ved denne teksten?
- Når er det handlinga i novella snur? Og korleis forandrar lydane som guten høyrer seg i denne augeblinken?
- Ordet blod speler ei viktig rolle i denne teksten – blant anna heiter tittelen "Blodspor". Finn minst fem setningar i teksten der ordet blod er nemnt.
- I mange kulturar er blod eit tradisjonelt symbol for livskrafta eller sjela. Kva signaliserer ordet i novella, liv eller død? Forklar.
- Siste avsnitt i novella er det vi med eit faguttrykk kallar ein metakommentar, det vil seie ein kommentar som ikkje er ein del av sjølve forteljinga: "Alle gatene i Sarajevo har blitt sånn: Noen rakk enden – og noen gjorde det ikke." Forklar med eigne ord kva forfattaren meiner med denne kommentaren.
- Ei novelle er ein skjønnlitterær tekst, det vil seie ein tekst som er oppdikta. Men skjønnlitterære forfattarar hentar alltid idear til tekstene sine frå røyndommen. Kva i novella til er Ahmethodzic er henta frå røyndommen, og kva er oppdikta?
Relatert innhald
Fagstoff
Novelleanalyse: Ein modelltekst med tipsKorleis skrive ein god novelleanalyse? Her er ein modelltekst med tips og oppgåver. Det blir teke utgangspunkt i novella "Blodspor" av Bakir Ahmethodzic.