Finn setningsadverbialet

Dette er ein del av ein læringssti om setningsadverbial. For å komme til starten av læringsstien kan du gå til fagartikkelen "Kva er eit setningsadverbial?".

Del A: Finn setningsadverbialet

Sit i par. Finn setningsadverbialet i setningane på dei seks korta. De kan få hjelp om de trykker på knappen til høgre på kortet. Snu kortet når de trur de har funne rett svar.

Del B: Lag regel om setningsadverbial

Dette er setningane de las i del A. Studer setningane og prøv å lage ein regel om kvar setningsadverbialet skal stå i forteljande heilsetningar på norsk.

• Han er ikkje (SA) redd for menneske.

• Dei trener ofte (SA).

• Ho gruer seg alltid (SA) til prøver. (NB: "Å grue seg" er eit refleksivt verb. Pronomenet "seg" må alltid stå saman med verbet.)

• Han legg sjeldan (SA) bort kameraet.

• Ho er berre (SA) seks år.

• Ho er sikkert (SA) veldig glad i foreldra sine.

Under ser du ti setningar med ulike setningsadverbial. Set om til førstespråket ditt og lag ei gloseliste i ei notatbok eller på pc-en din. Målet er at du skal forstå og hugse desse vanlege setningsadverbiala.

• Eg er aldri (SA) sjuk.

• Eg er alltid (SA) frisk.

• Ho er ikkje (SA) glad.

• Eg er sjeldan (SA) sur.

• Vi er ofte (SA) på besøk hos bestemor

• Han kjem dessverre (SA) for seint.

• Vi kjem snart (SA).

• Dei kjem gjerne (SA) på besøk.

• Vi vann heldigvis (SA) kampen.

• Han er framleis (SA) heime.

Gå vidare i læringsstien og lær om kvar setningsadverbialet skal stå i forteljande heilsetningar.