Oppgave

Førebu intervjuet

Ein god journalist både lagar og stiller gode spørsmål. Du må òg ha klart utstyret du treng når du skal intervjue.

Dette er ein del av ein læringssti. Gå til artikkelen "Kven er dei andre, eigentleg?" for å komme til det første trinnet.

Del 1: Kva er gode spørsmål?

Sjå filmen under:

Redaksjon: Ein redaksjon er ei gruppe som jobbar saman for å lage aviser, nettsider, eller program.
Journalist: Ein journalist er ein person som skriv nyheiter. Journalistar jobbar i aviser, tv og radio.
Funka: Å funke betyr at noko verkar bra.
Bruksrettleiing: Ei bruksrettleiing er ein tekst som forklarer korleis du bruker noko eller bygger noko.
Teste: Å teste betyr å prøve noko for å sjå om det verkar.
Gæren: Å bli gæren betyr at noko gjer deg litt galen, eller sprø.
Koko: Å bli koko er eit idiom for å vere litt galen eller tullete.
Monitor: Ein monitor er ein skjerm som viser bilete, til dømes på ei datamaskin.
Bakgrunn: Ein bakgrunn er det som er bak noko anna. Til dømes: I bakgrunnen på teikninga var det fjell.
Manusmøte: Eit manusmøte er eit møte der folk bestemmer kva som skal seiast eller skrivast i eit program på tv eller radio.
Evalueringar: Ei evaluering er når nokon ser på kva som gjekk bra, og kva som kan bli betre.
Forbetre: Å forbetre er å gjere noko betre enn det var før.

Gode spørsmål er viktig for å få til eit spennande intervju. Dette er gode spørsmål:

Lag spørsmål der intervjuobjektet (O) kan seie mykje.
Bruk det du fann ut i researchen: "Alle seier at du er ein snill gut, men kva for nokon 'slemme' sider har du?"
Lag mange spørsmål! Det er betre å ha med for mange spørsmål enn for få.

Skriv minst ti spørsmål du vil stille O. Bruk råda over for korleis du skal lage gode spørsmål.
Førebu mobiltelefonen på å ta opp lyd, eller gjer klar skrivesaker for å gjennomføre intervjuet.

Du kan bruke mobiltelefonen din til å ta opp.
Viss O synest det er greitt, ta gjerne nokre fine bilete. Men det er viktig at O godkjenner bileta du tek.

Gå vidare i læringsstien for å gjennomføre intervjuet.

Oppgåver og aktivitetar

Gode tips både til deg som intervjuar og deg som blir intervjua når de skal lage portrettintervju.