Gjennomfør intervjuet

Dette er ein del av ein læringssti. Gå til artikkelen "Kven er dei andre, eigentleg?" for å komme til det første trinnet.

De har begge gjort ein research og førebudd dykk til intervjuet. Bestem dykk for kven som skal intervjue først.

• Lytt nøye til personen du intervjuar.

• Hugs at du kan stille andre spørsmål enn dei du har skrive. Viss personen fortel at hen ofte kranglar med søstera si, kan du til dømes spørje: "Kva er det de kranglar om?"

• Sjå på personen du snakkar med. Smil og ver vennleg.

• Still eit spørsmål om gongen. Gi den andre god tid til å tenke og svare.

• Skriv ned ting som kan hjelpe deg seinare. Til dømes: Er det noko personen snakkar engasjert om? Eller er det noko som gjer hen alvorleg?

• Det kan vere lurt å ta opp samtalen (til dømes på mobiltelefonen). Då kan du bruke sitat seinare når du skriv. Men hugs at den du gjer opptak av, må godkjenne før du gjer det.

• Prøv å gi lange og gode svar. Viss du berre seier "ja," "nei" eller "kanskje," blir intervjuet kjedeleg.

• Fortel om ting du verkeleg liker! Viss du elskar kattar, sei kvifor du gjer det.

• Hugs at alle i klassen skal lese teksten om deg. Ikkje fortel noko som du ikkje vil at alle skal vite.

• Du skal lese gjennom teksten før andre skal lese han. Viss noko blei for privat, kan du forandre det no.

Gå vidare for å lære deg korleis du skal skrive eit portrettintervju.