John Lewis: Good Trouble

Gjennom heile livet kjempa John Lewis (1940–2020) mot rasediskriminering og for rettane til dei svake og utsette i USA. Det politiske engasjementet hans blei vekt gjennom borgarrettsrørsla på 50-talet.

Engasjementet blei med John Lewis gjennom heile den politiske karrieren hans. I filmen fortel John Lewis sjølv frå livet sitt.

Gjennom filmen gir òg amerikanske politikarar som Hillary Clinton, Beto O'Rourke og Elijah Cummings oss eit innblikk i Lewiss politiske betydning.

I starten av filmen seier Lewis at kampen mot rasediskriminering ikkje er vunne, fordi det finst krefter i samfunnet som ønskjer å ta oss tilbake til ein mørkare tidsalder.

I tillegg til å fortelje oss historia til John Lewis aktualiserer filmen at kampen mot rasediskriminering, og for like rettar for alle, framleis er viktig.

Filmen John Lewis: Good Trouble minner oss på at sjølv om somme kampar er vunne, er det ikkje sjølvsagt at desse sigrane blir ståande for alltid.