12 Years a Slave

Den kritikarrosa spelefilmen 12 Years a Slave byggjer på ein sjølvbiografisk roman med same tittel frå 1853. I filmen blir Solomon Northup sine tolv år som slave i sørstatane skildra.

Om filmen

Filmen 12 Years a Slave er basert på den sanne historia om Solomon Northup frå New York. Solomon var ein fri svart mann som blei bortført på reise til Washington i 1841. Han blei deretter teken med til sørstatane og selt som slave på ein marknad i New Orleans. Etter 12 år får han fridommen sin og kan vende attende til familien.

Filmen byrjar med at Solomon, allereie i fangenskap, arbeider ute på åkrane på ein sukkerplantasje. Gjennom glimt frå fortida får vi sjå kva som har leidd han dit.

Livet i slaveri er hardt, og Solomon kjempar for å halde seg i live. Han møter mykje motstand og opplever særs tøff behandling frå slaveeigaren, som blir spelt av Michael Fassbender.

Utmerkingar

12 Years a Slave har fått rosande omtalar, og fleire filmmeldarar kåra filmen til den beste i 2013.

Filmen har vunne både Oscar og Golden Globe for beste film, i tillegg til ytterlegare to Oscar-prisar og ei rekkje andre prisar og nominasjonar.

Boka

I 1853 gav den historiske personen Solomon Northup ut boka 12 Years a Slave.

Boka er basert på det han opplevde i fangenskap, frå han blei kidnappa til han blei sett fri tolv år etter.

Relatert innhald

Film: 12 Years a Slave

The Oscar winning movie 12 Years a Slave is based on a memoir by a black man who was born free but kept as a slave for twelve years.

From Slavery To Civil Rights

Few people have suffered more than the native Africans who served as slaves for white plantation owners in the southern states of North America.