Oksygen
Kva er oksygen?
Oksygen er eit grunnstoff med det kjemiske symbolet O og atomnummer 8. Ved romtemperatur er det ein fargelaus, luktfri og smaklaus gass. Oksygen utgjer omtrent 21 prosent av jordatmosfæren og er heilt nødvendig for livet på jorda. Det speler ei sentral rolle i celleanding, ein prosess der celler bruker oksygen til å gjere om næringsstoff til energi. Oksygen finst òg i mange samband, som vatn (H2O) og karbondioksid (CO2).
Bruksområde innan industri
I industrien har oksygen ei rekke viktige bruksområde.
Metallurgi
I metallindustrien er oksygen uunnverleg. Til dømes blir det brukt i stålproduksjon for å fjerne ureinskapar frå jern. Dette skjer gjennom ein prosess kalla oksygenblåsing, som gjer stålproduksjonen meir effektiv.
Sveising og skjering
Oksygen blir brukt i sveising og skjering av metall. Gassen bidreg til at vi oppnår dei høge temperaturane som er nødvendige for å smelte og forme metall, noko som er sentralt i mange industrielle prosessar.
Kjemisk industri
I kjemisk industri blir oksygen brukt til å produsere viktige kjemikal som etylenoksid og metanol. Desse kjemikala er råmateriale for produksjon av plast og mange andre produkt.
Miljøutfordringar
Sjølv om oksygen i seg sjølv ikkje er skadeleg for miljøet, er gassen involvert i fleire prosessar som kan ha miljøpåverknader. Forbrenning av fossile brensel, som kol, olje og naturgass, krev oksygen og produserer karbondioksid (CO2) som bidreg til global oppvarming.
For å redusere negative miljøpåverknader er det viktig å bruke oksygen på ein berekraftig måte. Dette inneber å vere klar over energiforbruket i industriprosessar og å minimere utslepp av skadelege stoff.
Sikkerheitsdatablad
Her kan du laste ned eit døme på eit sikkerheitsdatablad for komprimert oksygen.
Oppgåve
I denne oppgåva skal du analysere sikkerheitsdatabladet for oksygen og svare på spørsmål frå innhaldet.
Under finn du oppgåva i eit tekstdokument du kan laste ned og skrive inn i. Du finn døme på datablad på nettsidene til Linde.