Oppgave
Kva er problemet med plasten?
Sjå ein kort film om plast og plastposar. Diskuter problemstillingar knytte til plast i klassen.
Etter å ha sett filmen kan de diskutere desse oppgåvene i klassen:
- Kvifor er det vanskeleg å avgjere kor miljøvennleg eit produkt er?
- Kva eigenskapar har plast som gjer at det blir brukt til så mange ulike produkt?
- Svært lite av plasten vi bruker i Noreg hamnar i naturen. Det aller meste blir kasta i restavfallet, resirkulert eller gjenvunne. Kva er då problemet med å bruke plast?
- Marin forsøpling er eit stort problem i Noreg og mange andre land. Plast utgjer ein stor del av denne forsøplinga. Kvar kjem søppelet frå? Korleis hamnar dette langs kysten av Noreg?
- Korleis kan vi i Noreg bidra til at problemet med marin forsøpling blir mindre?
- Diskuter påstanden:
Når vi kjøper billege produkt frå andre land, bidreg vi indirekte til plastforsøpling i Noreg.
- Kva har de funne ut i løpet av diskusjonen?
- Er det nokon ting de ikkje er sikre på? Kva må de finne ut meir om?
- Har de blitt merksame på problemstillingar som de har lyst til å finne ut meir om?