Fagartikkel
Kontrast i form og motiv
I tillegg til kontrastar i storleik og farge er det viktig å kjenne til kontrastar i form og motiv. Slike kontrastar kan du også bruke til å framheve det du ønsker skal få merksemd i designet ditt.
Døme på formkontrast. Bilete: Kari Roksvaag Rønning / CC BY-SA 4.0
Eit sirkelrundt bilete vil skilje seg ut frå kvadratiske bilete. Forma skil seg frå dei andre bileta og er ein formkontrast. Ein skrifttype i "antikva" vil òg skilje seg frå ein "grotesk" skrifttype.
Bokstavane i grotesk skrift og antikvaskrift er utforma på ulik måte. Bilete: Kari Roksvaag Rønning / CC BY-SA 4.0
Motivkontrastar handlar om innhaldet i teksten, symbolet eller biletet i designet. Ved å bruke motivkontrast tydeleggjer du skilnader som er viktige å få fram, til dømes ung/gammal, varm/kald, glad/trist, natt/dag osb.
Det er kontrastane i dette biletet som fortel historia. Bilete: Nathalie Savey / CC BY-NC-SA 4.0
Ein ponni med raude rulleskøyter på hóvane vekker garantert oppsikt. Bilete: Ryan McGuire / CC0