Etisk bruk av KI i mediebransjen

Sjå Lisa Reutters foredrag om kunstig intelligens. Noter etiske problemstillingar som dukkar opp undervegs i foredraget.

Dersom du vil dykke djupare ned i etiske problemstillingar, kan du lese desse artiklane:

• Universitetet i Agder: "Kan kunstig intelligens erstatte journalistar og forfattarar?"

• FN-sambandet: "Kunstig intelligens kan true verdsfreden"

• Kommunal- og moderniseringsdepartementet: Nasjonal strategi for kunstig intelligens, side 58–63

Del klassen inn i mindre grupper. Kvar gruppe førebur eit rollespel som illustrerer ei etisk problemstilling eller eit etisk dilemma som kan oppstå når kunstig intelligens blir teken i bruk i profesjonell mediekommunikasjon. Sjå forslag til problemstilling lenger nede.

Førebu dykk ved å lese dei følgande artiklane:

• Journalisten.no: "Norske medier må samarbeide om kunstig intelligens"

• Ranktracer.com: "AI i videoproduksjon: Revolusjonerer mediebransjen"

Rollespelet bør vare i maksimalt to minutt. Det viktigaste er å få tydeleg fram problemstillinga. De kan eventuelt òg ta med korleis problemstillinga kan møtast på ein etisk forsvarleg måte av folk som jobbar i mediebransjen.

Problemstillingar om KI i medieproduksjon

• bruk av bilete laga ved hjelp av kunstig intelligens i reklame

• effektivisering ved hjelp av KI-verktøy som skriv nyheitsmeldingar

• bruk av algoritmar som triggar unge til å kjøpe produkt på nett

• bruk av tekstrobotar til å utarbeide nye filmmanus

Gjennomfør rollespela med resten av klassen som tilskodarar.

Diskuter deretter i plenum korleis mediebransjen bør forhalde seg til desse problemstillingane.

Bli samde om ti etiske reglar som bør gjelde for bruk av kunstig intelligens i mediebransjen. Skriv opp desse reglane på tavla.