Undersøk unge sin kritiske mediekompetanse
I dette arbeidsoppdraget skal de auke den kritiske mediekompetansen i ein ungdomsskuleklasse. De ønsker å få kvar enkelt elev til å bli agent i eigen mediekvardag.
Ta kontakt med ein ungdomsskule i nærleiken og gjer avtale om å få komme på besøk i ein klasse.
Set dykk godt inn i ressursane under. De må rekne med å bruke tid både på skulen og heime for å komme dykk igjennom alle oppgåvene.
Oppgåve: Agent i eigen mediekvardag
Oppgåve: Hekta? Eit kodekammer om den digitale kvardagen din
Lag ein plan for timane, sortar inn og ut oppgåver de vil og ikkje vil ha med. Be læraren dykkar om å godkjenne planen. Tilpass planen dersom det er nødvendig. Nokre innspel:
Introduser uttrykket "agent i eigen mediekvardag"
Organiser og hjelp elevane til å løyse oppgåvene i "Hekta? Eit kodekammer om den digitale kvardagen din". Pass på tida!
Kom gjerne tilbake til uttrykket "agent i eigen mediekvardag" til slutt i økta. Fekk elevane lyst til å bli agentar i eigen mediekvardag?
Gjennomfør opplegget. Dokumenter korleis opplegget gjekk.
Fekk de gjennomført planen?
Korleis var engasjementet til elevane?
I kva grad fekk elevane forståing for og lyst til å vere agent i eigen mediekvardag?
De er tilbake i eigen klasse. Del erfaringar. Kva var morosamt eller interessant, kva var utfordrande? Gjekk det slik de hadde tenkt? Ville elevane bli agent i eigen mediekvardag? Fekk de styrkt elevane sin kritiske mediekompetanse?
Relatert innhald
Kritisk mediekompetanse handlar om å kunne stille kritiske spørsmål til alt som har med media å gjere: produksjon, språk, representasjon og publikum.