Oppgåve
Sosialisering i mediesamfunnet
Korleis har du blitt deg? Vi deltek på fleire ulike sosialiseringsarenaer som er med på å forme identiteten vår. Familie, vener og medium er nokre av dei arenaene som påverkar oppfatninga vår av oss sjølv.
Diskuter før de ser filmen:
- Kven påverkar identiteten din mest? Vener, familie eller media?
- Opplever gutar og jenter ulike forventningar på skulen og i familien? Gi konkrete døme.
Video: Tore Meek / CC BY-NC-SA 4.0
Sjå filmen og svar på spørsmåla:
- Kva er ein sosialiseringsarena?
- Kva lærer du på ulike sosialiseringsarenaer? Kva normer og reglar lærer du på skulen? Kva normer og reglar lærer du i familien?
- Gi nokre døme på at du lærer ulike normer og reglar i ulike sosialiseringsarenaer, til dømes i familien, blant vener og på skulen.
- Korleis kan media vere ein sosialiseringsarena?
- Ungdomsforskaren Kristinn Hegna seier i filmen at opplevingane i familien legg grunnlaget for måten din å tenkje om deg sjølv og den sosiale identiteten din på. Medan musikksmak, klesstil, kva du liker å gjere, der du vil reise og kva filmar du liker, er meir krydderet på toppen. Diskuter denne påstanden med ein medelev. Er de einige med Hegna?
Diskuter i par eller grupper med minst ein av kvart kjønn.
- Fortel dei andre etter tur kva slags type medieinnhald de brukte tid på i går, og kva de delte i sosiale medium.
- Finn de nokon døme på kjønnsforskjellar i måten de bruker media?
- Reflekter saman: Er det forskjell på jenter og gutar i mediebruk? Kva kan i tilfelle årsakene vere?
- Korleis trur de eventuelle forskjellar i mediebruk blant gutar og jenter er med på å påverke identiteten deira?
Media kan påverke identiteten vår på fleire ulike måtar. Svar på spørsmåla og bruk gjerne konkrete døme frå ditt eige liv.
- Media set dagsorden ved å bestemme kva saker som er viktige, og kva vi skal vere opptekne av. Korleis kan media påverke identiteten din ved å setje dagsorden?
- Media kan vere normgivende ved å framstille noko som riktig, bra og normalt, medan andre ting er feil og unormalt. Korleis kan media påverke identiteten din ved å vere normgivende?
- Media bidreg til globalisering ved å spreie informasjon, idear og kunnskap frå ulike delar av verda. Korleis kan media påverke identiteten din gjennom globalisering?
- Diskuter om sosiale medium har ført til eit meir ope og demokratisk samfunn, der mange fleire kan vere med å setje dagsorden – til dømes bloggarar, aktivistar og vanlege folk.